“Gosber"
Oedfa Gymraeg ar Zoom ar nos Sul
Arbrofi â modd newydd o addoli, myfyrio a chymdeithasu am 6.30pm ar y Sul
Nôd “Gosber” yw cynnull cymuned ar gyfer oedfa arlein wythnosol - cyfle i addoli, myfyrio a chymdeithasu yn Gymraeg yn nhraddodiad Anglicanaidd yr Eglwys yng Nghymru. Gwnawn hyn yn ystod y pandemig, ond yn y gobaith o fagu gwreiddiau fydd yn ein cynnal y tu hwnt i hynny yn gymuned weddïgar, feddylgar, agored a charedig.
Ein harchif
Gwyliwch oedfaon yr wythnosau diwethaf, fu’n fyw ar Zoom, wedi eu recordio ar ein tudalen YouTube
Apêl Grawys Gosber 2021
Tymor i fod yn elusengar yw’r Grawys - i roi’n hael o’n meddiannau ninnau i gefnogi’r anghenus. Eleni, bu inni dderbyn rhoddion ariannol i gefnogi tri achos da Cymraeg lleol ag iddynt gysylltiad ag oedfa Gosber: Ysgol Llanbedrgoch, y mae Wenda Owen o’n cynulleidfa yn un o’i llywodraethwyr; Banc Bwyd Eglwys Sant Pedr ym Mhwllheli, y mae Archddiacon Meirionnydd yn gaplan iddo; a Chyfeillion Nant Gwrtheyrn sy’n cefnogi gwaith y ganolfan iaith yn y Nant.
Siôn Rhys Evans
Curad yn Llandudno, Ysgrifennydd Esgobaeth Bangor, ac arweinydd oedfaon Gosber
Andrew Carroll Jones
Archddiacon Meirionnydd, a phregethwr achlysurol yn oedfaon Gosber
Robert Jones
Cerddor ac aelod o dîm Esgobaeth Bangor, a chyfarwyddwr cerdd oedfaon Gosber
Tanysgrifiwch am y wybodaeth ddiweddaraf
Rhowch eich cyfeiriad ebost yma er mwyn derbyn y ddolen Zoom ar gyfer pob oedfa Gosber, ynghyd â diweddariau eraill am ein gweinidogaeth a’n cenhadaeth.
Cysylltwch â ni
Mae croeso mawr i chi gysylltu am fwy o wybodaeth neu am gyngor bugeiliol.
Anfonwch ebost at Siôn.
Hollalluog Dduw, a ysbrydolaist dy esgob Deiniol i gasglu o’i gwmpas gymuned i gyd-fyw bywyd cytûn; caniatâ i ni weithio i atgyfnerthu teulu dy Eglwys mewn ffydd, gobaith a chariad; trwy Iesu Grist ein Gwaredwr. Amen.
© 2020 Ardal Weinidogaeth Bro Tudno | Elusen gofrestredig 1131171
